في الضلمة....
بتخاف من ايه؟؟؟
وبتخاف ليه؟؟
بتخاف تفضل عايش فيها طب افرض!!!
هتعمل ايه؟؟
هتفضل ثابت مكانك
والافكار جواك تزيد
وتتحول لحاجات تشوفها قدامك
مع انك في الضلمة بس بتبقي شايفهاا
وتبدأ تروح لأضيق زاوية في الاوضة
وتبدا تسمع دبة النملة....
وصوت النسيم يبقي رياح
وتسمع صوت نفسك بيقولك...
هتفضل لوحدك
وساعتها بس هتعرف تشوف نفسك بجد
وتكلمها وتكلمك
بس لعلمك ...
في احتمال تاني...
انك تجري تجيب شمعة
وتنورها وتقعد ادامها
بس ساعتها...
هتفضل مبحلق فيهاا..
عشان خايف نورها يروح
وتقول جواك انا مش خايف
ايه يعني الضلمة
زيها زي النور
وتفضل مستني اللحظة
الي الضلمة فيها تروح
بس يا تري ...؟؟
انهي ضملة هتروح؟؟